҉ਿ°●φ¸¸.»»(( بــحبــك ممكن نــروح آلسيمــآ )) ««.¸¸φ●°ੀ҉

السلام عليكم ورحمة الله وبركاتــه

آخوآني وآخوآتي في آلله

هنتلكم النهاردة ياجماعه فى موضوع اقل مايقال عنه

انه كآرثه كبيرة وهنبتديها بقصه الصغيرة ....


(( فى الجامعة ))

هو - بحبك
هي = طيب
هو -باقولك بحبك
هي = أوكى عرفت خلاص
هو - يابنى ادمه انا بحبك بجد
هي = طب وانا اعمل ايه.؟
هو -حبينى زى مابحبك
هي = انا باعتبرك اخ وصديق ومابافكرش فيك غير كده
هو - انتى متحجرة الاحساس والمشاعر..تلاقى فيه حد تانى فى حياتك
هي = وهو لو انا ما حبيتكش يبقى بحب غيرك؟؟ تفكير غريب جدا
هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي
هي =لا وعلى ايه..خلاص ياسيدى ..اعتبرنا مرتبطين مؤقتا
هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

(( على التليفون ))

هو -عازمك النهارده على الغدا والسينما
هي = افندم؟؟
هو - ايه..كلامى غامض؟
هي = انا اسفه..ماقدرش اخرج معاك مادام علاقتنا مش رسمية
هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض
هي = مش هاينفع
هو - يبقى انتى مش بتحبينى
هي = طب قولى انت..لو انا اختك..هاترضى انى اخرج مع واحد تانى غريب؟
هو -( بغضب) لأ طبعا..دانا كنت قطمت رقبتك
هي = امال عايز تخرج معايا ليه؟
هو -آآه.. دى حاجه ودى حاجه تانيه
هي = هو انا مش بنت ناس برضه وليا أخ؟؟
هو - أنا مش هاثق فى أى حد تانى..لكن انا عارف نفسي وانتى عارفانى
هي = المبدأ واحد.. أخويا برضه ما يعرفكش
هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا
هي = وهو يا كده يا إما مش بحبك؟
هو - انتى
مش واثقه فيا..وانا بحاول اعمل المستحيل عشان أسعدك..ليه ياربى عذبتنى
بالحب؟ليه خلقتلى قلب وعلقته بانسانه قاسيه مش مقدره حبى؟
هي = خلاص خلاص..أنا اسفه..بس اوعدنى انك مش هاتكررها تانى
هو - خليها لوقتها..هاستناكى قدام السينما الساعه 6 بالليل

(( فى السينما ))

هي = انت مش قلتلى انه فيلم خيال علمى؟؟
دا طلع فيلم رومانسي
هو - حبيت اتفرج عليه انا وانتى..قصته رائعه..وكأنها اتعملتلنا
هي = ومالقيتش مكان أحسن من اخر صف فى القاعه؟
هو - أعمل ايه بس..جينا متاخرين والصفوف قدام كلها محجوزة
هي = الصاله شبه فاضيه..كلامك مش مريحنى
هو - ارجوكى بقى..احنا هانقلبها خناقه ولا ايه..عيشي معايا اللحظه
هي = ايه ده؟..ايه السفاله دى..ابعد ايدك عنى..انت بتعمل ايه؟
هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب
هي = انت اتجننت؟
والله لو ما لميت نفسك هافضحك فى السينما كلها
هو - يبقى
هاتفضحى نفسك اولا واخيرا..الناس شايفينا داخلين مع بعض وقاعدين مع
بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟
هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده
هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد
هي = اللى انت بتعمله ده حرام
هو - انا
بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من
ورقة مأذون؟؟انتى مش واثقه فيا ولا انتى مش بتحبينى؟
هي = حبك عاوزنى أكسر كل اللى اتربيت عليه
هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه
عجبتنى فيكى أفكارك الحرة المنطلقة وثقافتك ..لكن اللى شايفه دلوقتى واحده
شرقية بفكر متخلف ..أنا اسف على كل لحظة افتكرتك فيها بتحبينى بجد..انا حظى
كده..كل ما أعمل حاجه أحاول أثبت حبى ليكى بيها تفسريها تفسيرات بشعه
وتطلعينى أنا الغلطان فى الاخر
هي = أنا عارفه انك بتحبنى..وانا كمان بحبك...لكن...انا..مش
هو -بحبك وبحب كل حاجه فيكى..انتى جميله قوى
هي = انا حاسه ان كل الناس بتبص علينا
هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

(( فى الجامعة ))

هو - ها يا حبيبتى..تحبى نروح فين النهارده؟
هي = مش رايحه فى حته وكفايه بقى لحد كده؟؟
هو - ايه الكلام ده يا حياتى؟
هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه
هو - كلامك ده اكبر دليل انك مش بتحبينى
هي = ارحمنى
بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع
لنفسي تتهمنى انى مش بحبك .. انا عملت كل حاجه ممكنه عشان مش عايزه
اخسرك..اتنازلت عن حاجات كتيره قوى..ضعفت قدام توسلاتك
هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه
هي = بعد كل الابتزاز العاطفى ده؟؟
هو - ماحدش يقدر يجبر حد على حاجه..كان عندك مطلق الحرية انك ترفضى
هي = مع كل الضغط ده..ماكنتش قادره افكر
هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم
هي = انت حيوان بتمشيه رغباته..
هو - انا
عمرى ما ضحكت على نفسي ولا عليكى...بالعكس بقى..انا استحملتك كتير
قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا
اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك




بعرف آن انا طولت عليكم جدا جدا
بس القصه دى هــي صلب الموضوع اللى انا حابة اتكلم فيـه..

دلوقتي آنتشر آوووووووووووووي
موضوع السينمات ده هو ايـه الحكاية السينما اللى كانت زمان امنية كل واحد عاشق للشاشة الفضية والافلام الجميلة
لكن بقيت دلوقتي
بقيت مجرد اربع حيطان بيضموا بينهم اتنين من المراهقة زو المشاعر الجياشة المنجرفه والمنحرفـة
فى بحر المراهقـة...


لوأنت او غيرك حاولت تقضى وقت لطيف جدا مع عائلتك وفكرت تروح السينما

او انتى عرضتى على اخوكى او ابوكى ان انتوا تروحوا السينما بيبقى الرد

بدون تفكير :لا

ولما تسأل يقولك السينما مبقتش للافلام

اتحولت لشقه مفروشة مظلمة لا يرى احد فيها الاخر

ياترى مين السبب فى التحويل المفاجأة للسينما
ده؟

-هل هما المراهقين اللى بقولوا رواد هذه السينما؟

-ام المسئولين الذين يضعفون بسهوله امام الفلوس

(البقشيش)

اللى بيدفعوا الزبون ؟

وبيبقوا على اتم استعداد على خدمته

ده ممكن يعرض عليك المكان المناسب للجلوس براحتك ع الاخر


ناس كتير جدا هيبقى ردها ان البنت السبب كالعادة او الولد

طيب ليه لما الشباب بيغلط ميلقيش الاكبر منه اللى يحاسبه

مش يوسع لسه الطريقة ويطأطأ رأسـه له مقابل الفلوس

اللى بتدفع ...

لحد امتى هتبقى السينمـات

نسخة طبق الاصل ولكن مصغرة مش الشقق المفروشـة

المليئة بالكوارث الهائلـة ..

امته حد هيتكلم يقولنا احنـا هنفضل فى القذارة دى لحد امتى..
ولحـــد آمته هنفضل بعآد عن ربنآ كــــده

وفي آلختآآآآآآآآآآآآآآآآم
يبقى لنا الله......

ونسآل الله آن يطهر قلوبنآ وآن يخرج منهآ حب مشآهدة آلآفلآم وآلمسلسلآت وآن يهدينآ بهدي نبينآ
ونسآل آلله آن يهدي بنآت وشبآآآب آلمسلمين آجمعيييييييين