صب كاس التخلف واسقيني

صب كاس التخلف واسقيني ... من بعد اخر كتاب لا تبكيني
انا عربي ومشكلتي مش بديني .. انا عربي والكل ناوي يربيني
خلي عنك تاريخ الماضي واحكيلي ... من اي باب داخل ع الحاضر وريني
وين انت اليوم وين ناسيني ...انا فقير وجاهل ويا ريت لو ضل نص ديني
قنواتك معبية الدش وبتسليني ... كل يوم وجه جديد بيغنيلي
اوطانك كلها بارات مليانه مرتيني ... فيها عناتره بيشبهو موسوليني
تعال شوف حالنا وادعيلي ... بس يا ريت تدعي بالعربي مش بالصيني
جيشك جرار لونه اخضر بيغريني ... وعصاباتك بعربات السجون ترميني
عنتر زمانه ع الشاشه مطلع عيني ... تهديدات وهتافات وشعارات معبيني
ميكرفونك سلاحك وبتحداك غيره تفرجيني... بتشجب وبتستنكر واحلى كلام بتعطيني
من زمن الطربوش الاحمر وانتا بتستعبد فيني ... دخيل الله حل عني وغيرك فرجيني
من النكبه لفضيحة النكسه الكل عامل فلسطيني ... بس الارض كلها بايد الصهيوني
مستر عرب إجتمع وعمل قرار روتيني ... فلسطين حرة عربيه ..مفكر بهالكلمتين بيرضيني
حفنة دولارات ببعثلي هالخليجي ...شبعآن كرامه أنا وصناعتي فلسطيني
مسكين .. ابو دشداشه بيضا بدو يرضيني ... بالدولارات عامل فيها كريم وبيعطيني
عنتر بيصبغ شعره ع الميكرفون طالع ثلاثيني ... طالع مراهق بيغازل بميمي
عنتر بيتعب كثير والخدم من كل الاجناس ... صيني وهندي وباكستاني وفلبيني
صب كاس التخلف واسقيني ... من بعد اخر كتاب لا تبكيني
انا عربي ومشكلتي مش بديني ... انا عربي والكل ناوي يربيني
مستر عربي ساخطني ومستعبدني بـ ديني .... عامل شيخ ومفتي وبيصيلي فيني
عبايته مليانه نفط وما بحكي الا بالإسترليني .... والسوداني والصومالي بينادي عليه غطيني
انا بدعي لربي وبتمنى تتركني اعيش بحالي .... على البال وطن وعلم يرفرف فوق بيتي
بس ما شفت ع عهدك الا جحافل جيشوف بتغزيني ... بكفي مسخره وانحطاط هات الكاس وإسقيني
هات الكاس وعبيها تخلف وجهل وإرويني ... ولا تقلي بكفي .. لأني شبعان خطابات وحكي صيني



ما تحرمونا ردودكم اعضاء

هههههههههههههههههههههههه هو حلو العنوان يلا بكفينا التخلف الي احنا شاربينو بدنا نشرب كمان تخلف هههههههه

يسلمو قلبي ع المرور

يسلمواايتك يا مياسين إنها قصيدة رائعه جدا مع تحياتي

يسلمو محمود ع المرور منور

مشكووره على الجهد

يسلمو اهل الحق ع المرور منور صفحتي المتواضعة